Home அக்கரைப்பற்று செய்திகள் மரதன் ஓடிய மாணவன் பலியான சம்பவம் ; திருக்கோவில் வைத்தியசாலையில் பதற்றம்.

மரதன் ஓடிய மாணவன் பலியான சம்பவம் ; திருக்கோவில் வைத்தியசாலையில் பதற்றம்.

30

மரதன் ஓடிய மாணவர் ஒருவர் மயங்கி விழுந்துள்ள நிலையில் மரணித்த சம்பவம் இன்று (11) திருக்கோவில் பகுதியில் இடம்பெற்றுள்ளது.

திருக்கோவில் மெதடித்த மிஷன் தமிழ் மகா வித்தியாலயத்தைச் சேர்ந்த விதுர்ஷன் என்ற 16 வயதுடைய மாணவனே இவ்வாறு உயிரிழந்துள்ளதாக தெரிய வருகின்றது.

இன்று (11) காலை மரதன் ஓட்டப்போட்டியில் கலந்து கொண்ட குறித்த மாணவன் போட்டி நிறைவுற்றதும் வகுப்பறைக்கு சென்றுள்ளார் இதன்போது வயிற்றுக்குள் கொழுவி பிடிப்பதாகக் கூறி திருக்கோவில் ஆதார வைத்தியசாலைக்கு சிகிச்சை பெற சென்றதாகவும் பின்னர் தாமதமாக அவசர சிகிச்சைக்கு ஆளானதாகவும் தெரிவிக்கப்படுகின்றது.

இதன்போது அவருக்கான சி.பி.ஆர் சிகிச்சை உட்பட போதியளவான சிகிச்சைகள் மேற் கொள்ளப்பட்டதாகவும் எனினும் போதிய வைத்திய உபகரணங்களைக் கொண்ட அம்பியூலன் வண்டி இல்லாததன் காரணமாக அக்கறைப்பற்று ஆதார வைத்தியசாலைக்கு உடனடியாக மாற்ற முடியாமல் போனதாகவும் வைத்தியசாலை வட்டாரங்கள் தெரிவிக்கின்றன.

உயிரிழந்த மாணவனின் சடலம் அக்கரைப்பற்று ஆதார வைத்தியசாலையில் வைக்கப்பட்டுள்ளதுடன் மேலதிக விசாரணைகளை திருக்கோவில் பொலிசார் மேற்கொண்டு வருகின்றனர்.

இவ்வான நிலையில் மாணவனின் உயிரிழப்புக்கு வைத்தியசாலையின் கவனயீனமே காரணம் என மாணவர்களும், இளைஞர்களும் திருக்கோவில் ஆதார வைத்தியசாலைக்கு முன்பாக ஆர்ப்பாட்டத்தில் ஈடுபட்டு வருகின்றனர்.

தற்போது அப்பகுதியில் பதற்றமான சூழ்நிலை நிலவுவதாக தெரிவிக்கப்படுகின்றது. இதனால் அப்பகுதியில் கலகம் அடக்கும் பொலிசார் உட்பட படையினர் குவிக்கப்பட்டுள்ளனர்.

மரதன் ஓடிய மாணவன் பலியான சம்பவம் ; திருக்கோவில் வைத்தியசாலையில் பதற்றம். - newjaffna News - 24x7 newjaffna Tamil Breaking News மரதன் ஓடிய மாணவன் பலியான சம்பவம் ; திருக்கோவில் வைத்தியசாலையில் பதற்றம். - newjaffna News - 24x7 newjaffna Tamil Breaking News மரதன் ஓடிய மாணவன் பலியான சம்பவம் ; திருக்கோவில் வைத்தியசாலையில் பதற்றம். - newjaffna News - 24x7 newjaffna Tamil Breaking News மரதன் ஓடிய மாணவன் பலியான சம்பவம் ; திருக்கோவில் வைத்தியசாலையில் பதற்றம். - newjaffna News - 24x7 newjaffna Tamil Breaking News

Previous articleபாண்டியன் ஸ்டோர்ஸ் சீரியல் நடிகை சுஜிதாவின் வீட்டில் மரணம்..
Next articleவெங்காய விலை தொடர்பில் எச்சரிக்கை விடுப்பு!